CANDIDATURA SOCIALISTA DE BURELA

O PSOE de Burela presentou públicamente aos seus candidatos no auditorio municipal. Tal e como xa se avanzara, o actual alcalde, Alfredo Llano García, lidera a lista socialista. O número dous lo ocupa o actual concelleiro delegado de Obras e Servizos, Pascual Doménech Gruñeiro.

Os postos tres e catro tamén están ocupados por outras duas concelleiras en activo: a edila de Educación e Medio Ambiente, Lucía Bouza Orosa, e a delegada municipal de Economía, Facenda, Persoal e Mar, Remedios López Villar.

Lle siguen na lista Ángela García Salgado, Ramiro Fernández Rey, Pedro López Beade, Marta Amenedo Castiñeira, David Rodríguez Rodríguez, Rita Lamparte Alonso, Ramón Vázquez Andrade y Angélica Gómez Sánchez. José Manuel Casdelo Filgueiras pecha a candidatura. Os suplentes son Carmen Edith Ángeles Chumacero, Lucas Moreno Torres e Ramón Ramos Sánchez. O alcaldable socialista Alfredo Llano destacou que casi o 50% dos membros da lista son novas incorporacions. Ademáis, destacou que nos últimos catro anos crearonse servicios básicos, enumerou as actuacions no porto, as obras do Plan E e falou do PXOM como proxecto de futuro, entre outros asuntos.

ENTREGA DE PREMIOS

O alcalde de Burela, Alfredo Llano, o concelleiro de Obras e Servizos, Pascual Domenech e a concelleira de Mar, Remedios López, entregaron os premios aos gañadores do III Certame do relato curto de mar. As gañadoras LARA DE LA HUERGA DIAZ e IRENE RICO GÓMEZ foron agasalladas cun traxe de neopreno. Todos os participantes no certame, mais de 40, levaron un lote de libros e entraron no sorteo dunha PLAYSTATION3. Nesta ocasión a gañadora do sorteo foi AROA ALVAREZ LOPEZ de 13 anos de idade do IES Monte Castelo.

SINALIZACIONS DE FOMENTO

O Ministerio de Fomento ven de colocar carteis informativos hacia Burela e hacia o Hospital da Costa nas rotondas da N-642 entre A Espiñeira e Burela. Unha nova que foi valorada de xeito moi positivo polo alcalde, Alfredo Llano.
Llano sinalou que “co fin de garantizar unha boa información a todas aquelas persoas de fora que queiran empregar os servizos de Burela, sobre todo o Hospital da Costa, como era unha cuestión demandada e así o fixemos saber, colocáronse na estrada N-642 entre A Espiñeira e Burela, en todas as rotondas carteis de sinalización hacia o hospital e a nosa vila”. O rexedor pensa que “con esta nova sinalización queda perfectamente indicada Burela e onde está o hospital, hai así suficiente información para todo aquel que queira apreciala”. Os carteis informativos foron colocados polo Ministerio de Fomento.

Aparcamentos no hospital
O alcalde tamén se referiu de novo á necesidade de crear prazas de aparcamento nas inmediacións do Hospital da Costa, “agora mesmo estamos a traballar duro nesa zona, tanto nas proximidades como nun dos solares que compartimos cun particular fronte á gardería, para solucionar inmediatamente a falta de prazas de aparcamento”. Alfredo Llano subliñou que “con estas medidas crearemos 50 prazas alí ao lado do hospital, ben aproveitadas en batería e logo poderemos contar con outras 200 fronte á gardería, nun dos solares que quedará en perfectas condicións para aparcar alí. Calculamos que ao longo desta semana rematen os traballos e que a vindeira semana entren en servizo, así facilitamos aparcamentos para os usuarios do hospital e dos institutos. É algo no que levamos traballando un tempo e que en cuestión de días será unha realidade”.

INTERCAMBIOS ESTUDANTÍS ENTRE BURELA E ALEMANIA

Concello e Fundación BBZ de Alemania están dispostos a seguir colaborando para realizar intercambios estudiantís ao longo dos vindeiros meses. O alcalde anunciou que unha ducia de rapaces alemán chegarán en agosto a Burela para traballar en empresas relacionadas co medio ambiente e subliñou que os alumnos dos ciclos superiores de FP da vila poderán realizar as súas prácticas en Alemania.

Alfredo Llano contou que “recibín como moito agrado a unhas persoas procedentes de Hamburgo en Alemania para seguir cun proxecto iniciado o ano pasado, que ten moito que ver con intercambios de rapaces no ámbito laboral e da formación. Son representantes da Fundación BBZ, que traballa directamente con todos os estamentos oficiais, tanto coa Unión Europea como goberno alemán”.

O rexedor explicou que “o que lle interesa a esta fundación é levar a rapaces de Alemania a outros países como España para que coñezan outras realidades e para que traballen de xeito directo no país de acollida. Esas experiencias sempre son moi válidas para unha integración posterior”. Alfredo Llano anunciou que “a parte desta formación tamén queren levar para adiante e niso estamos a traballar desde o Concello e desde os institutos, sobre todo co Perdouro, para que os nosos rapaces que realizan agora a FP nos ciclos superiores poidan ir realizar as súas prácticas a Alemania, co fin de que incluso se puideran quedar a traballar alí si así o desexan”.

O alcalde de Burela considera que “Alemania está forte en cuestións de traballo, queren favorecer estes intercambios e tamén procuran levar xente a ese país”. Llano lembrou que “xa tivemos unha experiencia nos meses de novembro e decembro do ano pasado e agora en agosto voltarán aquí 10 ou 12 rapaces alemán para traballar en cuestións relacionadas co medio ambiente. Nós procuraremos insertalos en empresas do sector ou poderíamos acollelos no Concello para realizar estas prácticas. Terían unha duración de catro a oito semanas, aínda está por especificar. En breve algún directivo da Fundación BBZ voltará a Burela para pechar esta colaboración e segundo me comentaron porque estarían interesados en establecerse en Burela ou abrir unha sede aquí para favorecer estes intercambios estudiantes”.

O rexedor engadiu que “se trata dunha cuestión moi positiva tanto para os rapaces de Burela coma para os que virán desde Alemania, polo tanto estamos encantados de realizar estes intercambios. Burela xa é unha referencia clara en Hamburgo dado que os rapaces que estiveron aquí o ano pasado quedaron encantados e iso motivou que esta fundación queira seguir con nós mantendo esta relación e incluso superala”.

ACTIVIDADES DA SEMANA DA SAÚDE

A edil Sonia Fraga sinalou que “en anos anteriores sempre centrábamos os actos no día mundial da saúde e neste 2011 quixemos avanzar un pouco máis e ampliamos o abanico de actividades que se desenvolverán ao longo de toda esta semana”.

Mañá dan comezo xa eses actos da semana da saúde que organizou o Concello. De 17 a 18 horas terá lugar na praza de abastos un obradoiro de ioga da risa, que será impartido por Patricia Fernández. A participación é aberta a todo o público “e trátase de tentar liberar un pouco o estrés que temos acumulado cun obradoiro relaxante e que ao mesmo tempo motiva a risa”.

A concelleira de Sanidade manifestou que “o xoves é o día mundial da saúde e centramos as actividades nese día. Pola mañá haberá unha mesa informativa de 10 a 14 horas na Casa da Cultura na que participarán representantes de todas as asociacións que traballan no ámbito da saúde en Burela: Asociación de Axuda ao Enfermo Mental da Mariña, Asociación Camiña, Fundación Eu Son, Asociación de Diabéticos, Cogami e Asociación Esperanza de afectados polo cancro. Queremos que dean a coñecer as súas actividades. Na mesa informativa colaboran os dous institutos de Burela e serán moitos os alumnos que acudan a esta cita. Todos participarán nun almorzo saudable a base de bocadillos, froitas, zumos e auga”. E xa pola tarde, tamén o xoves, terá lugar unha nova edición da mixed class que impartirá un ano máis Belinda Canoura, “esta cita está aberta desde os máis cativos aos máis maiores, vai ser unha actividade moi dinámica e participativa, e tamén poderán disfrutar os participantes dunha merenda”. A mixed class será de 17 a 19 horas na praza do Concello, si o tempo o permite senón trasladaríase á praza de abastos.

Os actos da semana da saúde rematarán o 8 de abril con outra mesa informativa que moderará o doutor Pedro Gordo do hospital da Costa e na que participarán os neurólogos dese centro Luis López e Agustín Martínez, que falarán de demencias, alzheimer e parkinson. Esta mesa será de 10 a 14 horas na Casa da Cultura e inclúe a participación de Noelia Legaspi, psicopedagoga e educadora familiar do Concello de Burela que dará a coñecer varias estratexias para levar adiante unha vida emocionalmente sana.

Sonia Fraga anima “a toda a xente de Burela e dos arredores a que se acheguen a participar na semana da saúde, queremos que se conciencien xa que son actividades de prevención e a nosa intención é seguir traballando nesta liña”.

CERTAME DE MEDIO AMBIENTE

A Delegación de Educación, Normalización Lingüística e Medio Ambiente convoca para as datas da Semana Santa 2011 a cuarta edición do Certame Propostas para mellorar o Medio Ambiente: Enerxía Sostible, que ten tres variantes:

Concurso de fotografía
Concurso de relato curto
Concurso de debuxo (para os/as nenos/as de Educación Infantil)

O prazo para inscribirse da comezo hoxe e remata o 20 de abril e a presentación dos traballos que concurran a este certame poderá facerse ata o 29 de abril. Segundo explica a concelleira Lucía Bouza, “as tres especialidades teñen un mesmo tema como obxectivo: trátase de retratar (mediante un escrito, un debuxo, ou fotografías) as actuacións que se producen no noso entorno no eido da enerxía sostible. Os participantes deben recoller nas súas fotografías, nos seus relatos, ou nos seus debuxos aqueles aspectos que ven positivos ou negativos (é dicir, que deben ser cambiados) para conseguir unha enerxía sostible máis respectuosa co Medio Ambiente”.

1.- PARTICIPANTES

-Certame de Fotografía e Relato Curto

Nenos e nenas, veciños/as de Burela, en idade de cursar os estudos de Educación Primaria (dende os 6 até os 12 anos). Permítese a paticipación dun mesmo concursante en ambos os dous certames, fotografía e relato curto.

-Certame de Debuxo

Nenos e nenas, veciños/as de Burela, en idade de cursar os estudos de Educación Infantil (3 a 5 anos).

2.- INSCRICIÓNS

As inscricións pódense materializar ata o 20 de abril nas dependencias da Biblioteca Pública Municipal.

Aqueles que se inscriban no certame fotográfico, recibirán nese intre unha ficha coa que poderán recoller a súa cámara de único uso e realizar o revelado da mesma gratuitamente en Fotografía Marco Abad, sita en Rosalía de Castro, 45.

3.- OBRAS

-Certame de Fotografía

Os/as nenos/as inscritos no concurso de fotografía poden recibir a axuda dos seus pais e nais.

-Certame de Relato Curto

Os que desexen participar na variante de relato curto deberán facer o seu documento en galego (aínda que o xurado terá moi en conta as circunstancias especiais dos/as nenos/as de fóra de Galicia ou de España). As obras presentaranse en formato DIN-A4, con unha extensión mínima de 1 folla e máximo de 3.

-Certame de Debuxo

As obras presentaranse en formato DIN-A4, empregando ceras, ou outro tipo de pinturas, para a realización do debuxo.

4.- LUGAR E PRAZO DE ADMISIÓN

O certame desenvolverase ao longo das vacacións de Semana Santa, sendo a data límite para a aceptación dos traballos (na Biblioteca Pública) o 29 de abril de 2011.

A cada participante admitiránselle un máximo de 2 obras.

As obras presentaranse baixo seudónimo, xunto con elas adxuntarase un sobre pechado en cuxo exterior figure o seudónimo, a idade actual, a procedencia do/a neno/a, título da obra e certame ao que se presenta; e no interior do mesmo o nome, idade, domicilio e teléfono de contacto do autor.

5.- XURADO. Estará composto por: 1 representante do CEIP “Vista Alegre”; 1 representante do CEIP “Virxe do Carme”; 1 traballador/a da Biblioteca Municipal; a Concelleira de Educación e Medio Ambiente e a técnico de Medio Ambiente do Concello de Burela.

O fallo do xurado farase público nun acto programado para o día 7 de maio no que se agasallará a todos/as os/as participantes.

6.- ENTREGA DE PREMIOS

Terá lugar o venres, 7 de maio, ás 19:00 horas no Salón de Plenos do Concello de Burela, establecéndose cinco primeiros premios. Constará cada un deles dun cheque por valor de 150 € para gastar en calquera comercio de Burela (o cheque entregarase co nome da nai ou do pai ou do titor legal).

-Certame de Fotografía (dous primeiros premios: un para nenos/as de entre 6 e 8 anos e outro para nenos/as de entre 9 e 12 anos).

-Certame de Relato Curto (dous primeiros premios: un para nenos/as de entre 6 e 8 anos e outro para nenos/as de entre 9 e 12 anos).

-Certame de Debuxo. (Un primeiro premio).

Todos/as os/as inscritos/as recibirán un agasallo e participarán no sorteo dunha consola.

Lucía Bouza engadiu que “os traballos gañadores serán publicados nun folleto de man que se distribuirá de xeito gratuito entre os/as alumnos/as dos centros escolares do noso Concello. Unha vez rematado o proceso do certame, serán devoltos aos seus artífices; agás as obras premiadas que quedarán en propiedade da Delegación de Medio Ambiente, que se reserva o dereito de editalas e empregalas sen ánimo de lucro e facendo sempre mención do autor das mesmas”. A concelleira socialista sinalou que “as obras non premiadas que non sexan recollidas, entre o 9 de maio e o 10 de xuño na Biblioteca Municipal entenderanse cedidas á Delegación de Educación e Medio Ambiente. Este departamento terá o máximo coidado no tratamento do material recibido, se ben non se fai responsable en caso de extravío ou deterioro involuntario, motivado pola manipulación das mesmas. A inscrición neste certame supón a total aceptación das bases e a aceptación do fallo inapelable do xurado”.

ADMINISTRACIÓN ELECTRÓNICA

O Concello impartirá cursiños para achegar a administración electrónica aos cidadáns. O alcalde, Alfredo Llano, subliñou que na páxina web do Concello haberá tamén un enlace para que as asociacións do municipio coñezan as subvencións ou axudas que convocan as diferentes administracións.

O rexedor asegurou que “estamos rematando o novo portal web do noso Concello, estamos traballando a diario para que se concrete o antes posible. A administración electrónica implantada en Burela permitirá aos veciños a través de internet facer moitos trámites desde as súas casas favorecendo a xestión fácil de moitos procesos. Será unha cuestión mi valorada e moi boa”.

Llano sinalou que “vamos facer dous cousas, por un lado e en canto teñamos moi próxima a apertura deste servizo faremos uns cursiños durante dous ou tres días, posiblemente habilitemos unha aula que pode ser no centro de formación do Concello, para que todos os veciños que teñan interés en saber cómo funciona a administración electrónica poidan facelo. Queremos que se acheguen a estes novos medios que poñemos ao seu alcance desde o noso Concello”. E engadiu que “por outro lado, atendendo ás demandas das asociacións de Burela, vamos abrir un enlace onde poidan coñecer os tipos de subvencións ou de axudas que van xurdindo desde as diferentes administracións. Cando apareza algo da Xunta, da Deputación ou do propio Concello poderán acceder e así baixar e descargar os documentos para solicitar esas axudas. Ás veces poden pasar prazos ou desapercibidas algún tipo de axudas, a través deste servizo que vai poñer en funcionamento o Concello de Burela agardo que sexa de moita utilidade e sirva para aproveitar todo aquelo que lles interese ás asociacións e agrupacións de Burela”.

Acceso ao porto

O alcalde de Burela confirmou que o vindeiro 13 de abril ás 20 horas terá lugar a xuntanza cos veciños afectados polo cambio de trazado das obras de acceso ao porto. Alfredo Llano lembrou que “segue a exposición pública unha copia dese proxecto, xa estiveron pasando por aquí todos aqueles veciños que teñen interés en saber cómo quedará ese trazado e cómo lles afectará ás súas fincas”. O rexedor convidou “á xente que non sabe aínda que está aquí ese documento a que veña e o consulte e o mércores da vindeira semana faremos unha xuntanza no salón de plenos para todos os veciños que queiran acudir e saber un pouco como queda ese trazado”. Llano está en contacto coa Xunta para que sexan técnicos de Medio Ambiente e Infraestructuras os que xunto aos técnicos municipais resposten ás preguntas que lles poidan formular os veciños de Burela.

APARCAMENTOS NA ZONA DO HOSPITAL

O Concello creará unhas 150 prazas de aparcamento nas inmediacións do hospital da Costa. O alcalde, Alfredo Llano, asegurou que o equipo de goberno habilitará un solar da súa propiedade e que están en negociacións cos donos doutros terreos para levar adiante esta iniciativa.

O rexedor sinalou que “debido á grande necesidade que hai na zona do hospital e feito un estudio do que poderíamos incrementar as prazas de aparcamento decidimos aproveitar un dos solares que é propiedade do Concello, está mesmo fronte ao colexio Vista Alegre e preto da gardería. É un terreo bastante grande e ao lado hai outro dunha persoa coa que estamos en negociacións para que nos deixe de xeito provesional acondicionalo para a creación de prazas de aparcamento”. Alfredo Llano subliñou que “segundo os primeiros cálculos realizados alí poden coller uns 100 coches, co que estamos diante dunha cifra importante”.

O alcalde de Burela engadiu que “tamén miramos unha zona moi próxima ao hospital na parte de arriba onde hai unha rúa que comunica co cuartel, alí hai un lugar que tamén habería que acondicionar, está cheo de arbustos, de maleza… hai que limpalo e botar algún material que permita acceder e aparcar con comodidade. Neste caso estimamos que poderían coller outros 35 coches e na rúa do Instituto queremos aproveitar dous solares máis, de tal xeito que en total poderíamos estar falando de 150 ou 160 vehículos”. Llano considera que “todo isto é sempre unha preocupación do noso equipo de goberno, procurar facer as cousas o mellor posible para os veciños. Hai que darse conta que na zona do hospital da Costa esta necesidade de creación de aparcamentos é urxente, imos procurar facer todas as xestións rápidamente para que esas prazas sexan unha realidade”.