A Delegación de Sanidade de Burela tilda de éxito a campaña de reparto de iogures líquidos nos colexios da vila, que daba comezo na xornada de onte. En total foron entregados 570 iogures, 215 no Vista Alegre e 355 no Virxe do Carme.
Sonia Fraga agradece “aos colexios e aos pais e ás nais dos nenos de Burela a súa colaboración para poder levar adiante dita campaña, coa que queremos concienciar aos rapaces/as e titores legais, da importancia da inxesta do leite ou iogur para a formación dos osos nos rapaces/as de idade temperá, e para a prevención de enfermidades”.
O reparto dos iogures líquidos nos colexios seguirá os días 1, 15 e 29 de marzo; 5 e 26 de abril; 3, 18 e 31 de maio e 14 de xuño.
No hay comentarios:
Publicar un comentario