REPLICA A OUTRAS MENTIRAS DO PP

En primeiro lugar, seguimos a traballar na mellora da calidade das nosas praias, e iso foi recoñecido posto que conseguimos unha bandeira azul a maiores das que xa tíñamos, que foi a da praia de Ril. Ademáis, conseguimos a ISO 14001 para a xestión das praias de Marosa, Ril e Portelo.

O PP fala de cando os representantes municipais participaban nos foros medioambientais e debemos lembrarlle que iso nunca deixou de facerse, posto que acudimos a CONAMA, ao Congreso de Bandeiras Azuis e á Asemblea da Rede Española de Cidades polo Clima, entre outros foros e congresos.

Tamén fala o PP de falta de participación cidadá porque temos abandonada a Axenda 21. A esto temos que dicirlles que a temos máis ou menos igual de abandonada que a tiñan eles, coa diferenza de que temos creado outras canles de participación cidadá como é o xa consolidado e exitoso Certame de Propostas para Mellorar o Medio Ambiente, no que os nenos e nenas do noso Concello nos aportan ideas para mellorar o noso entorno. Tamén utilizamos a Semana Europea da Mobilidade para recoller suxerencias nas enquisas que facemos. Con respecto á celebración desta semana, que para o PP se reduce á celebración do día sen coches, dicirlle que é moito máis que iso: trátase de toda unha semana plagada de actividades dirixidas a adultos e a nenos e nenas na que intentamos inculcar algunhas boas costumbres para o medio ambiente e para a nosa saúde. Así, todos os anos facemos actividades como “Andando ao Colexio”, que tén tanto éxito que os colexios a teñen solicitado para outras ocasións, ou como obradoiros varios de educación ambiental realizados polas monitoras de Gaia. Pero tamén é interesante sinalar que a celebración desta semana deixa boas prácticas para todo o ano, xa que grazas a iso, a Concellaría de Obras acomete cambios importantísimos no noso pobo como son a creación de beirarrúas táctiles e o rebaixe das mesmas, as novas regulacións para a distribución da carga e un longo etc.. Fala o PP de que non fixemos nin un só metro de carril bici. Pensamos que teñen máis delito eles, que tiveron unha ocasión de ouro para facer un bo carril bici na rúa Eijo Garay e optaron por non facelo, así que poucas leccións nos poden dar.

Tamén nos gustaría lembrar moi por encima outras cousas que se fixeron, como foron o reparto de bolsas separativas do lixo, para axudar coa reciclaxe, tamén unha colaboración entre as Concellarías de Obras e de Medio Ambiente, o establecemento da gratuidade do Punto Limpo e a recollida “porta a porta” de voluminosos. Da recollida do aceite xa non falaremos, posto que mesmo eles recoñecen que foi algo ben feito. E rematamos falando de Gaia, que por fin adquiriu entidade baixo o noso goberno: traballan todo o curso escolar nos centros de Educación Primaria, celebran moitos días do calendario ambiental, dan charlas nos Institutos, e un longo etc.. Lembrámoslle ao PP que para porporcionarlles ese Centro de Interpretación do que falan, primeiro terán que dicirlle aos seus compañeiros da Xunta de Galicia que deben rematar o acceso ao porto.

Rematamos xa dicindo que todo isto do que aquí falamos se viu recoñecido cando obtivemos para o noso Concello a Bandeira Verde coas cinco modalidades posibles, sendo o único Concello galego recoñecido con ese galardón, que só obtiveron 17 concellos españois.